بخور القوافي

سر ياقلم وأختار لسالفه قاف
ولا انا يطيب لي كل قافي
في خافقي لشعر مربع ومصياف
ماشاب لو شابت جميع القوافي
افز واقف كل مالج غطراف
وارقى الجبال النايفه برجل حافي
ماردني عن السماء غير مهياف
لولاه عقبت النوايف خلافي
اعوي عوا ذيب على راس عساف
ظاري على برد الليالي العجافي
وين انت ياراس تعليت الاكتاف
عليك حديت السيوف الرهافي
تعــال لك بالقاف سجه ومحراف
ان صبت صبت وكان خابت عوافي
حنا لنا فالطيب والعرف ميقاف
ناخذ وفا ونعطي بمكيال وافي
اقلوبنا اصفى من الماء بصفصاف
نلبس ثياب العز بيض نظافي
عنا الكرم مذكور من عهد الأسلاف
ماتجحده غير النفوس الظعافي
حناعلى بعض المخاليق مشراف
ابعد من احدود البصر مايشافي
ياسامعين العلم للعلم عراف
لاتخلطون اثقالها بالخفافي
اقولها صادق ولاني بزياف
يخشى غضبنا كل قرم سنافي
سر ياقلم واختارعنوان للقاف
وان طعتني سمه بخور القوافي